समाचार राजनीति समाज शिक्षा स्वास्थ्य अर्थ मनोरञ्जन खेल विशेष विचार ब्लग अन्तर्वार्ता ग्लोबल म्यागेजिन भोलि हुने राष्ट्रियसभा निर्वाचनमा १६ सय ७७ मतदाता

काठमाडौं २३, माघ । बुधबार हुने राष्ट्रिय सभाको  निर्वाचनमा १ हजार ६ सय ७७ मतदाताले मतदान गर्ने निर्वाचन आयोगले बताएको छ ।

  आयोगले आज पत्रकार सम्मेलन गरी उक्त निर्वाचनमा स्थानीय तहका १ हजार २ सय ३४ र प्रदेश सभाका ४ सय ४३ जनाले मत खसाल्ने जानकारी दिएको हो । 

कूल २०५६ मतदाता रहेपनि प्रदेश नं २ का सबै निर्विरोध चयन भएकाले त्यहाँ निर्वाचन हुने छैन। राष्ट्रिय सभा निर्वाचनमा स्वस्तिक चिन्हको प्रयोग भने  हुनेछैन। मतदाताले महिला र अन्य समूहतर्फ १,२ र ३ गति प्राथमिकत तोक्नुपर्नेछ।

त्यस्तै, दलित र अपाङ्गगतारअल्पसंख्यकतर्फको मतपत्रमा भने ठिक चिन्ह लगाउनुपर्नेछ। आयोगले मतदान लगत्तै मतगणनाका लागि ६ वटै प्रदेशमा सहयोगी टोली समेत खटाएको छ।

साथै, मतपरिणाम यथाशीर्घ राष्ट्रपतिसमक्ष पेश गर्ने तयारी गरेको उल्लेख गरेको छ। निर्वाचनमा ३२ सदस्यका लागि ५२ जना उम्मेद्वार प्रतिष्पर्धामा  छन् ।  आयोगले मतदानका लागि प्रदेशको उच्च अदालत रहेका ६ स्थानमा १४ मतदात केन्द्र तोकेको छ।