नागरिक समाज पार्टीको ‘झुण्ड’ ’ः नेम्वाङ

 काठमाडौं ।  पूर्वसभामुख नेम्बाङले नागरिक समाज देशमा  पार्टीको झुण्ड बनेको आरोप लगाएका छन् । सबैका राम्रो र नराम्रो कामको समीक्षा गर्नुपर्ने नागारिक समाज पार्टीको वकालत गर्ने निकाय बनेको उनको भनाइ छ । 

राष्ट्रिय मानवअधिकार प्रतिष्ठान र शान्ति र विकासका लागि नागरिक समाजले काठमाडौंमा आयोजना गरेको ‘शान्ति, स्थिरता र विकासः बृहत् नागरिक परामर्श’ विषयक छलफलमा उनले  मुलुकमा रहेको व्याप्त भ्रष्टाचारलाई अन्त्य गरी सुशासन कायम राख्नुपर्नेमा जोड दिए । 

 नेता नेम्बाङले खिलराज रेग्मी शक्ति पृथ्वीकरणको सिद्धान्त विपरीत प्रधानमन्त्री तथा मन्त्रिपरिषद् कार्यालयको अध्यक्ष र प्रधानन्यायाधीश भएदेखि न्यायालयमा राजनीतिक हस्तक्षेप बढेको समेत बताए ।  ।

कार्यक्रममा नेकपा माओवादी केन्द्रका प्रवक्ता पम्फा भुसालले राज्यका निकायलाई लोकतान्त्रिकीकरण र विश्वसनीय बनाउन आवश्यक रहेको बताए । संघीय समाजवादी फोरम नेपालका अध्यक्ष उपेन्द्र यादवले मुलुकमा संस्थागत रुपमा भ्रष्टाचार र माफियातन्त्रले जरो गाडेको छ भन्दै मुलुकमा लोकतन्त्र बलियो बनाउनका लागि नागरिक समाज सशक्त भएर लाग्नुपर्नेमा जोड दिए ।

नेपाली काँग्रेसका केन्द्रिय सदस्य डा. मीनेन्द्र रिजालले सरकारले संवैधानिक अंगलाई कमजोर बनाउन खोजेको आरोप लगाए। कार्यक्रममा प्रा. डा सुरेन्द्र केसी र डा गोपालकृष्ण शिवाकोटीले कार्यपत्र प्रस्तुत गर्दै मुलुकमा राजनीतिक अभ्यास वास्तविक नभएको हुनाले लोकतन्त्रमाथि खतरा बढेको चिन्ता व्यक्त गरे ।  । कार्यपत्रमाथि संविधानविद् नीलाम्बर आचार्य, डा भीमार्जुन आचार्य, प्रा विजयकान्तलाल कर्ण, मानवअधिकारकर्मी लिली थापालगायतले न्यायालयमा पछिल्लो पटक भएको कामले अब न्यायालय कसरी चल्ने भन्ने प्रश्न चिह्न खडा भएको बताए ।  

प्रकाशित ४ चैत्र २0७४ , आइतबार | 2018-03-18 10:54:02