काठमाडौँ। नेकपा एमाले अध्यक्ष तथा प्रधानमन्त्री केपी शर्मा ओलीले आफ्नो आसन्न भारत भ्रमण अघि नै पार्टी एकता गर्ने प्रस्ताव अघि सारेका छन् । स्रोतका अनुसार एमाले अध्यक्ष समेत रहेका ओलीले माओवादी केन्द्रका नेताहरूसामू आफ्नो भारत भ्रमण अघि नै पार्टी एकता गर्ने प्रस्ताव राखेका छन् । त्यसको पुष्टि गर्दै एक नेताले भने, ‘कुरा आएको छ तर, भ्याइन्छ कि भ्याइँदैन भन्न सकिन्न ।’
प्रधानमन्त्री ओली चैत २३ मा भारत जाने तयारीमा छन् । यद्यपि भ्रमण मितिको औपचारिक घोषणा भएको छैन । एमाले र माओवादीले साझा घोषणापत्र र उम्मेदवार बनाएर प्रतिनिधिसभा र प्रदेशसभा चुनाव लडेका थिए । प्रमुख पदहरुमा भागवण्डा गरेका दुई दलले केन्द्रका साथै ६ वटा प्रदेशमा संयुक्त सरकार बनाएका छन् ।
७ फागुनमा सातबुँदे सहमति भएको थियो, जसमा एकीकृत पार्टीको नाम ‘नेपाल कम्युनिष्ट पार्टी’ र निर्देशक सिद्धान्त ‘माक्र्सवाद–लेनिनवाद’ राख्ने उल्लेख छ । त्यसपछि संगठनात्मक संरचना र सैद्धान्तिक राजनीतिक विषयमा गृहकार्य गर्न कार्यदल पनि बन्यो । कार्यदलका धेरै सदस्य मन्त्री बनेपछि एकतासम्वन्धी छलफलले प्राथमिकता पाएको छैन ।
प्रकाशित १0 चैत्र २0७४ , शनिबार | 2018-03-24 01:50:22
Hello, my name is Dinesh Mahato. I'm a 22 year old self-employed Pirate from the Sindhuli.
No comments:
Post a Comment